«Айыл Банк» ААКка баалуу металлдар менен накталай формада операцияларды жүргүзүү укугу берилди. Бул тууралуу Улуттук банктан билдиришти.
Финансылык жөнгө салуучу органдан билдиришкендей, эми «Айыл Банк» ААК башка эмитенттердин төмөнкү баалуулуктары менен операцияларды жүргүзүүгө мүмкүндүк алат:
- аффинаждалган стандарттык жана өлчөнгөн куймалар;
- жогорку сапат белгисине ээ күмүш, алтын, платинадан жасалган монеталар.
Бул уруксат «Айыл Банкка» Кыргызстандагы баалуу металлдар рыногунда өз кызматтарынын спектрин кеңейтүүгө жана кардарларына баалуу металлдарды сатуу жана сатып алуу боюнча кошумча мүмкүнчүлүктөрдү берүүгө шарт түзөт.
Ошондой эле «Берекет Банк» ЖАКка улуттук жана чет өлкө валютасында банк операцияларын жүргүзүү укугуна лицензия берилди.
