Маданият маалымат жана жаштар саясаты министрлигинин аймагында ишембилик уюштурулуп, Кыргыз Республикасынын Президентинин «Жашыл мурас» жарлыгын ишке ашыруунун алкагында 115 көчөт отургузулду.
Иш-чарага министрликтин жана маданият мекемелеринин кызматкерлери активдүү катышып, айлана-чөйрөнү жашылдандырууга өз салымдарын кошушту. Отургузулган көчөттөрдү мындан ары да багып-өстүрүү максатында жамаат тарабынан үзгүлтүксүз көзөмөл жүргүзүлөт.
Мындай иш-чаралар шаар экологиясын жакшыртууга, жашыл аймактарды көбөйтүүгө жана жарандардын экологиялык маданиятын жогорулатууга багытталган.
