Суу ресурстары, айыл чарба жана кайра иштетүү өнөр жайы министрлигине жалпы баасы 6,6 миллион сомдук заманбап көчмө лаборатория тапшырылды.
Министрликтин маалыматына ылайык, лаборатория ФАОнун CS-FOR долбоорунун алкагында Жашыл климаттык фонддун каржылоосу менен алынган.
Анын курамына Toyota Hilux унаасы, DJI Mavic 3 Enterprise RTK дрону, ноутбуктар, күн панелдери, генератор жана көчмө энергия топтоочу жабдуулар кирет.
Жаңы техника жайыттарды дрондор аркылуу көзөмөлдөөгө, деградацияга учураган аймактарды эрте аныктоого жана санариптик мониторинг системасын өнүктүрүүгө мүмкүнчүлүк берет.
