Ошто Ак-Буурадан сөөгү табылган аялдын өздүгү такталды. Бул тууралуу Өзгөчө кырдаалдар министрлиги билдирди.
Такталган маалымат боюнча, табылган жаран буга чейин изделип жаткан 1980-жылы туулган Н.Д . аттуу аял киши (кыздардын апасы) экени аныкталды.
Аталган жарандын сөөгү куткаруучулар тарабынан дарыядан чыгарылып, Ички иштер министрлигинин кызматкерлерине өткөрүлүп берилди.
Белгилей кетсек, аталган аялдын сөөгү бүгүн саат 11:30дарда Ак-Буура дарыясынан ӨКМдин куткаруучусу Алтынбек Исабеков тарабынан табылды. Буга чейин 7 жашар кыздын сөөгү табылганы, Өзгүр айылында селден куткаруу иштерине жардам берип жаткан бир эркекти КамАЗ үлгүсүздөгү унаа тебелеп кетип каза болгону маалым болгон.
Учурда сел агызып кеткен дагы бир аял жана эки кыз изделүүдө.
