Бишкек шаарындагы Ак-Ордо 3 конушунда жайгашкан үйлөрдүн биринен эки адамдын жансыз денеси табылды. Окуя 3-октябрь түнү болгон. Шектүү үйдүн дарбазасынан секирип кирип, агасы менен карындашын бычактап, из жашырып кеткен.
Окуя болгон үйдө шектүүгө таандык кызыл түстөгү кепкасы калган жана анын видеосу камераларга түшүп калган.
Учурда бул кылмыш ишин ИИМ министри Улан Ниязбеков өз көзөмөлүнө алып, жеринде ыкчам штаб уюштурулуп, 100гө чукул милиция кызматкери иш алып барышууда.
«ИИМ купуялуулукту кепилдеп, анын кайда экенин аныктоого жардам бере турган ишенимдүү маалымат үчүн ири акчалай сыйлык убада кылат», — деди Нурбек Абдиев.
Кошумчалай кетсек, Ак-Ордо-3тө өлтүрүлгөн киши унаа сатып иштечү. Анын машинасынан ири суммадагы акча табылганын милициядан билдиришти.
