АКШ бийлиги Браун университетиндеги ок атууга шектелген жарандын өлкөгө ушул программа аркылуу келгенине байланыштуу «Грин-карт ойнотуу» программасын токтотуп жатат. Бул тууралуу АКШнын ички коопсуздук министри Кристи Ноэм билдиргенин РИА Новости жазды.
«Президент Трамптын тапшырмасы менен, америкалыктарга бул зыяндуу программадан улам мындан ары зыян келтирилбешин камсыз кылуу максатында, мен USCISке (АКШнын жарандык жана иммиграция кызматы) DV1 программаларын токтотууну буйрудум», — деп жазды Ноэм X социалдык тармагындагы баракчасына.
Министрдин айтымында, Браун университетинде ок чыгарган Клаудио Невис Валенти АКШга 2017-жылы ушул программа аркылуу келип, грин-карт алган.
