19-апрелде Аксы районуна караштуу Кара-Башат айылынан жоголгон 15 жаштагы кыз кече Оштон табылды. Бул маалыматты Ош ШИИБнин басма сөз кызматы тастыктайт.
Маалыматка караганда, 2006-жылы туулган М.М. Кара-Башат айылындагы үйүнөн чыгып кеткен боюнча кайрылып барган эмес.
21-апрельде Ош ШИИБдин нөөмөт бөлүмүнө Ош шаарынын А.Навои атындагы балдар эс алуу жайында жалгыз өспүрүм кыз жүргөнү тууралуу маалымат түшкөн. Кайгуулчулар эс алуу багына барып, кыздын өздүгүн тактаган.
Учурда ал Ош шаарында эмне менен алектенип жүргөнү териштирилип жатат. Кыз досу менен кичи автобустарга түшүп, Ош шаарына жеткенин айткан.