Бүгүн, 9-августта, Кыргыз Республикасынын эл артисти, кыргыз театр жана кино искусствосунун көрүнүктүү таланты, Кыргыз Улуттук Т. Абдумомунов атындагы академиялык драма театрынын актрисасы Искра Райымкулованы акыркы сапарга узатуу зыйнаты өттү. Бул тууралуу Маданият, маалымат, спорт жана жаштар саясат министрлигинин басма сөз кызматы билдирет.
Кыргыз эл артисти Искра Раимкулованын сөөгү Ала- Арча көрүстөнүнө коюлду. Маркумду акыркы сапарга узатуу зыйнатына министр баш болгон чыгармачылыктагы сахналаштары, жакын санаалаштыры, туугандары катышты.
Эске салсак, эл артисти 2021-жылдын 8-августунда 84 жаш курагында узакка созулган оорудан кийин дүйнөдөн кайтты.
