Кыргыз Республикасынын Эмгек сиңирген артисти Азиз Мурадиллаев оор абалда реанимацияга түштү. Бул тууралуу Ассоль Молдокматова социалдык тармактагы баракчасына билдирип, актёр кыргыз элинин колдоосуна муктаж экенин жазган.
Маалыматка караганда, Азиз Мурадиллаевге кайрадан боордун цирроз диагнозу коюлган. Ал тез аранын ичинде боорун алмаштырууга муктаж.
«Актёрубуз биздин колдообузга муктаж. Анын катуу шишиги бар. Суюктук чыкпайт. Сүйлөй да албай калган. Убактыбыз өтө аз»,- деп жазган.
Актёрдун өмүрүн сактап калуу үчүн 45 миң доллар керектелет.
