Бүгүн Жогорку Кеңештин төрагасы Марлен Маматалиев тергөө кызматкерлеринин кесиптик күнү менен алдыңкы кызматкерлерди кабыл алып, сыйлыктарды тапшырды. Жолугушууга орун басар Болот Ибрагимов жана комитет төрагасы Сүйүнбек Өмүрзаков катышты.
Төрага тергөө кызматкерлеринин мыйзамдуулукту камсыздоодогу ролун белгилеп, Ардак грамота жана ыраазычылык каттарын берди. Сыйлангандардын арасында итке таланган 6 жаштагы баланы куткарууга жардам берген капитан Тимурлан Кулназаров да бар.
Эске салсак, 2-апрелде Бишкекте иттер 6 жаштагы баланы талап, ал оор жаракат алган.
