Бишкектин Свердлов райондук соту зордуктоого айыпталган Чыңгыз Мамаевди толугу менен актады. Бул тууралуу аталган кызмат билдирет.
Соттун 2024-жылдын 17-апрелиндеги өкүмү менен М.К.Б. Кылмыш-жаза кодексинин 155-беренесинин 2-бөлүгүнүн 4-пунктунда, 154-беренесинин 2-бөлүгүнүн 4-пунктунда каралган кылмыштарды жасагандыгы үчүн ага коюлган айып боюнча ал күнөөсүз деп табылып, анын иш-аракеттеринде кылмыштын курамынын жоктугуна байланыштуу акталды.
Эскерте кетсек, 2022-жылдын апрелинде белгилүү актёр Чыңгыз Мамаев Германиянын жаранын зордуктоого шектелип кармалган. Мамаевге карата “Сексуалдык мүнөздөгү зомбулук аракеттер” беренеси боюнча кылмыш иши козголгон.
