Үстүбүздөгү жылдын 8 айында жаратылыш ресурстары, экология жана техникалык көзөмөл министрлигинин тиешелүү кызматтары тарабынан өлкөнүн суу объектилеринде 206 рейд өткөрүлдү. Рейддердин жүрүшүндө суу объектилеринен жалпы 101 миң 250 метр синтетикалык тор жана 1 миң 910 килограмм таштанды чыгарылды.
Анын ичинен:
- Ысык-Көлдө 102 рейд өткөрүлүп, 40 200 метр синтетикалык тор жана 940 кг таштанды чыгарылды;
- Токтогул суу сактагычында 60 рейд жүргүзүлүп, 42 250 метр синтетикалык тор жана 670 кг таштанды алынган;
- Соң-Көлдө 24 рейд өткөрүлүп, 15 050 метр синтетикалык тор чыгарылды;
- Орто-Токой суу сактагычынан 200 метр синтетикалык тор алынган;
- Киров суу сактагычында 20 рейд жүргүзүлүп, 3 550 метр синтетикалык тор жана 300 кг таштанды чыгарылган.
Мындай рейддер сууну мыйзамсыз балык уулоочу шаймандардан тазалоого, суу экосистемаларын коргоого жана биологиялык ресурстарды сактоого багытталган.
