Акжол Махмудов Сауд Арабиясында өтүп жаткан Ислам биримдиги оюндарынын алтын медалын утту.
Ал грек-рим күрөшү боюнча 77 кг салмак категориясында килемге чыгып, таймаштарды 1/8 финалдан баштаган.
Кыргызстандык балбан адегенде Тунис спортчусун, андан соң Египеттин балбанын ийгиликтүү уткан.
Жарым финалда Катар атынан чыккан ирандык спортчуга каршы таймашып, курч кармашта жеңишти тартып алган.
Финалда Махмудов дагы бир ирандык балбан менен беттешип, атаандашын туше ыкмасы менен жеңип, алтын медалга ээ болду.
