Бүгүн, 24-декабрда Акжол Махмудов Ош мамлекеттик университетинде күйөрмандары менен жолугушту. Бул тууралуу аталган окуу жайдан билдиришти.
Маалыматка ылайык, жолугушууга спортчунун күйөрмандары, ОшМУнун окутуучулары, студенттер катышып, суроолорду узатышты.
Акжол Махмудов жаштарды өзү сүйгөн кесипти татыктуу аркалоого, мекенди сүйүүгө, китеп окууга, максатка жетүү үчүн талыкпай эмгектенүүгө чакырды.
Ошондой эле Акжолдун жаш күйөрманы аны кумир тутарын айтып, үйүнө конокко чакырган.
Белгилей кетсек, Олимпиада оюндарында Акжол Махмудов күмүш медаль багындырган.
