Жарандардын коомдук тартибин жана коопсуздугун камсыз кылуу максатында Бишкек шаарынын ИИББнын Милициянын кайгуул-күзөт кызматынын туристтик ротасынын кызматкерлери Ала-Арча суу сактагычында эс алуучулар арасында түшүндүрүү иштерин жүргүзүүдө.
Милиция кызматкерлери жарандарды коомдук тартиптин эрежелерин так сактоого, айланадагыларга урмат-сый менен мамиле кылууга жана эс алуу учурунда укук бузууларга жол бербөөгө чакырышат. Өзгөчө көңүл балдардын коопсуздугуна бурулуп, ата-энелерге жашы жете электерди кароосуз калтырбоо катуу эскертилет.
Мындан тышкары, тазалыкты сактоого, тиричилик таштандыларын өздөрүнөн кийин жыйнап кетүүгө жана айлана-чөйрөгө аяр мамиле кылууга чакырат. Ошондой эле коомдук жайларда алкоголдук ичимдиктерди ашыкча колдонууга жол берилбестиги эскертилди.
Посмотреть эту публикацию в Instagram
