Эми дем алыш күндөрү Президенттин Иш башкармалыгына караштуу “Ала-Арча” мамлекеттик жаратылыш паркында кыргыз кинолору акысыз көрсөтүлүп турат. Бул тууралуу Төлөмүш Океев атындагы “Кыргызфильм” улуттук киностудиясы билдирет.
Маалыматка ылайык, 20-июлда башталган маданий иш-чара кыргыз киносунун тарыхындагы алгачкы көркөм тасманын 70 жылдыгына арналат. Долбоордун башкы максаты — улуттук кинолорду жайылтуу, жаштардын маданий аң-сезимин жана улуттук мураска болгон сый-урматын калыптандыруу.
“Кыргызфильм” мындай иш-чаралар маданий иденттүүлүктү бекемдөөгө жана кыргыз киносуна болгон кызыгууну арттырууга чоң салым кошот деп ишенет.
