Ала-Бука-Жаңы-Базар-Киров унаа жолунда кар көчкү түштү. Бул тууралуу ӨКМнин басма сөз кызматы билдирди.
Маалыматка ылайык, 2021-жылдын 8-февраль күнү саат 05:00 чамасында Жалал-Абад облусунун Чаткал районунда Ала-Бука-Жаңы-Базар-Киров унаа жолунун 91-92-чакырымдарында (Чапчыма ашуусу) жалпы болжол менен 6000м3 кар көчкү түшүп, анын 3000м3 унаа жолун жабып калган.
«Кар көчкүнүн кесепетинен жабыркагандар жок. Тазалоо иштерин жүргүзүү үчүн №27 ЖТИден 1 грейдер тартылып, саат 08:30да унаа жолу бир тараптуу ачылып, учурда кеңейтүү иш-чаралары жүргүзүлүүдө. Кошумча маалымат берилет», — деп берилет маалыматта.
