Борбордук Ала-Тоо аянтында Манастын айкели турган жердин астындагы конструкциялар демонтаждалып, толугу менен оңдолот. Бул тууралуу Аскат Алагөзов билдирди.
“Оңдоо иштери январдын ортосунда башталары күтүлүүдө. Болбосо Манастын эстелиги турган жердин асты чирип, урайын деп калган.
Эске салсак 2018-жылы Тарых музейин реконструкциялоо иштери жүргөн. Ошол кезде бул жерде гидроизоляциялоо иштери талаптагыдай аткарылган эмес (Тарых музейин реконструкциялоого мамлекеттик бюджеттен 1,5 млрд сом жана Түркия тараптан 15 млн доллар грант берилген).
Ошол себептен суу кирип, астындагы конструкциялардын бузулуусуна алып келген.
Эми эстелик астын оңдоодо бул кемчиликтер эске алынып, толугу менен жоюлат”,-деди ал.
