Ош облусунун Алай районунда жүргөн селден кийин жугуштуу оорулардын алдын алууга багытталган ыкчам санитардык-эпидемиологиялык иш-чаралар жүргүзүлүүдө. Бул тууралуу Саламаттык сактоо министрлигинен билдиришти.
Маалыматка ылайык, иштер Гүлчө шаары, Курманжан датка айылы, Савай тикеси — Каримов жана Достук көчөлөрүндө аткарылды.
Селден жабыркаган аймактарда, анын ичинде 5 көп батирлүү турак үйдүн айланасында дезинфекциялоо иштери жүрүүдө. Үйлөрдүн айланасы, жертөлө, ашкана, чарбалык курулуш жана санитардык түйүндөр залалсыздандырылууда.
Бул үчүн 3 даана атайын техника, 3 гидропульт жана 15 кызматкер тартылган.
Мындан тышкары, жабыркаган калктуу конуштарда азык-түлүктүн коопсуздугуна жана ичүүчү суунун сапатына туруктуу көзөмөл жүргүзүлүүдө.
