Эрлан Шеров Ljubljana European Open-2026 мелдешинде алтын медаль жеңди. Бул тууралуу спортчу мырза социалдык тармактагы жеке баракчасы аркылуу сүйүнчүлөдү.
Маалым болгондой, Шеров 90 кг чейинки салмакта күч сынашып, финалда россиялык Давид Карапетянды утуп алды.
«Бүгүн Жараткан Алланын каалоосу менен өз өлкөбүз үчүн Европа Кубокторундагы алгачкы — тарыхый алтын медалды жеңип алдык.Менин үй-бүлөмө, өз өлкөмө, машыктыруучу штабыма, федерацияга жана ишенип, колдоо көрсөткөн бардык жакындарыма терең ыраазычылык билдирем. ИншаАллах, башкы ниетибизди унутпай, алдыга умтулабыз», — дейт спортчу мырза билдирүүсүндө.
Белгилей кетсек, турнир 14-15-февралда өтүп, ага 45 өлкөдөн 500дөн ашык спортчу катышты. Кыргызстандан үч дзюдочу барган.
