Бүгүн, 12-июнь күнү «Манас» эл аралык аэропортунда болочок ажылардын алгачкы тобу ыйык ажылык сапар үчүн аттанып кетти. Бул тууралуу муфтияттан билдиришти.
Ажылык – 2023 ибадаттык сапарынын алкагында 10 рейс аткарылса, анын 7 рейси Ош эл аралык аэропортунан жүзөгө ашырылат. Башкача айтканда, 2 миңдей ажы Бишкек шаарынан учса, калганы Ош шаарынан аттанат.
Бүгүн башталган авиасапарлар 21-июнь күнү Ош эл аралык эропортунда жыйынтыкталат. Быйылкы жылы кыргызстандык ажыларды Jazeera авиакомпаниясы тейлөөдө.
Белгилей кетсек, САП 2023-жылдагы ажылык үчүн Кыргызстанга 6110 квота бөлгөн. Быйылкы ажылыктын наркы 3900 АКШ долларын түзгөн.
