Мурдагы тышкы иштер министри, сегиз мамлекетте КР элчиси болгон Аликбек Джекшенкулов: Кыргызстандын тышкы саясатында азыр улуттук кызыкчылыкты көздөгөн прагматизм алдыңкы орунга чыкты. Кайсы бир мамлекет менен өз-ара пайдалуу мамиле түзүү үчүн, экинчи тараптан дагы аракеттер көрүлүүгө тийиш. Азыр андай кызматташтыкты Кыргызстан азыр Орусия жана Кытай менен жүргүзүүгө жетишти.
Батыш мамлекеттери жана алардын ичинде АКШ дагы демократия же адам укуктары боюнча көптөгөн сунуш-кеңеш айтканы менен, 30 жыл ичинде Кыргызстандын өндүрүшүнө орчундуу инвестиция жасаган жок. Президент Садыр Жапаровдун АКШнын мамлекеттик катчысы Энтони Блинкенге жакында жазган жооп катында – биздин ички иштерибизге көп кийлигишпесеңер дегенден тышкары, Кыргызстанга келип кетиңиз, баарын чогуу карап көрөлү деген таризде конструктивдүү сунуштар да айтылган.
