Алып баруучу Алексей Филатов оор абалда реанимацияга түшүп, ИВЛ туташтырылды. Бул тууралуу устаты Ассоль Молдокматова Facebook баракчасына жазды.
Анын айтымында, Алексей Филатовдон коронавирус илдети аныкталган.
“Достор! Менин окуучум – теле алып баруучу Алексей Филатов жандандыруу бөлүмүнө жатып калды. Ага ИВЛ аппараты туташтырылды, сатурациясы 89. Абалы өтө оор. Анын сакайып кетүүсү үчүн баарыңыздар дуба кылып коюңуздарчы. Леша – эң сонун адам жана ар дайым жанымда жүргөн эң мыкты окуучум. Кудайдан ага күч-кубат берүүсүн дуба кылып отурам. Жараткан биздин дубаларыбызды кабыл кылган болсун. Качан жалпы эл дуба кылып, тилек айтканда кыйынчылык бат өтөт. Лешенька! Жакыным! Жаша!”, — деп жазган.