Орусиянын тышкы иштер министри Сергей Лавров менен Украинанын тышкы иштер министри Дмитрий Кулебанын сүйлөшүүсү Түркияда өтүп жатат. Бул тууралуу «РИА Новости» жазды.
Министрлердин жолугушуусу Анталиядагы дипломатиялык форумдун алкагында өтүп жатат. Жыйынга Түркиянын тышкы иштер министри Мевлүт Чавушоглу да катышууда. «Орусия менен Украинанын тышкы иштер министрлеринин ортосундагы байланыш жаңжалдан чыгуунун жолун издөө үчүн Беларуста орус жана украин делегацияларынын үч айлампасында өткөн сүйлөшүүлөрдөн кийин болду»,- деп айтылат маалыматта.
