«КАВжанаКЕВ» дыйкан чарбасынын башчысы, КР жараны А.В.К. тарабынан мыйзам бузуу фактылары аныкталды. Бул тууралуу УКМКнын басма сөз кызматынан билдиришти.
Маалыматка ылайык, аталган адам уруксат берүүчү, медициналык жана миграциялык документтери жок чет өлкөлүк жарандарды ишке тарткан. Алар антисанитардык шарттарда өлкөнүн калкы үчүн тамак-аш азыктарын даярдоо менен алектенишкен. Мындан тышкары, жарактуу мөөнөткө ылайык келбеген мөөнөттөрдү продукцияларга чаптоо фактылары аныкталган.
2025-жылдын 17-ноябрында А.В.К. кармалып, КР Кылмыш-жаза кодексинин 168-беренесинин 2-бөлүгүнүн 3-пунктунун, 297-беренесинин 1-бөлүгүнүн жана 379-беренесинин 3-бөлүгүнүн (мыйзамсыз миграцияны уюштуруу, документтерди жасалмалоо, керектөөчүлөр үчүн коркунуч түзүү) кылмыштарын жасаган деген шек менен КР УКМКнын убактылуу кармоочу жайына киргизилди.
Учурда тиешелүү тергөө жана оперативдик иш-чаралар уланууда
