Ош облусунун Араван районунда 12-августта, Төө-Моюн айыл аймагынын жооптуу катчысы жана башчысынын орун басары пара талап кылууга шектелип кармалды. Бул тууралуу улуттук коопсуздук мамлекеттик комитети билдирди.
Тергөө маалымдагандай, кызмат адамдары орнотулган конструкцияны бир жер тилкесинен экинчисине которуу маселесин оң чечип берүү үчүн акча талап кылышкан.
Төө-Моюн айыл аймагынын жооптуу катчысы Г. У. А. өзгөчө ири өлчөмдөгү акча каражатын алып жаткан жеринен кармалган. Ошондой эле, УКМК кылмышка катыштыгы бар деп эсептеген айыл аймак башчысынын орун басары И. М. А. да кармалды.
Учурда ыкчам-тергөө иш-чаралары уланууда.
