Буга чейин “Кышты жоюп койдум” деген Арстан Алай дайынсыз болуп, милиция тарабынан изделип жаткан.
УКМКнын маалыматына караганда, ал Кылмыш-жаза кодексинин «Диний кастыкты козутуу» беренеси боюнча козголгон кылмыш ишинин алкагында кармалган. Кылмыш ишин козгоого Абдылдаевдин Facebooк, Instagram жана YouTube социалдык түйүндөрүндө, ошондой эле китептерде жана брошюраларда диний жана диндер аралык кастыкты козутууга багытталган чакырыктар камтылгандыгы тууралуу алынган маалыматтар негиз болгон.
Чүй облусунда жашаган жеринде тинтүү жана лекцияларды (мантра деп аталган) өткөрүүнүн натыйжасында көп сандагы адабияттар, атап айтканда китептер, брошюралар жана дептерлер алынган.
Жүргүзүлгөн тергөө иш-чараларынын жыйынтыгы менен Абдылдаев УКМКнын СИЗОсуна киргизилген.
Буга чейин Свердлов РИИБине анын уулу кайрылып, атасы Арстанбек Абдылдаев 13-декабрда саат 8:30да чыгып кеткен боюнча дайынсыз болуп жатканын билдирген.
