Артем Новиков мурда ээлеген кызмат ордунан бошотулуп, Кыргыз-орус өнүктүрүү фондунун башкармасынын төрагасы болуп дайындалды. Тиешелүү тескемеге Министрлер кабинетинин төрагасы Акылбек Жапаров кол койду.
Ал 21-майдан тарта кызматына киришет, үч жылдык мөөнөткө дайындалды.
Артем Новиков Кыргыз-орус өнүктүрүү фондунда 2021-жылы да төрага болуп иштеген. Ага чейин 2017-2018-жылдары экономика министри, вице-премьер министр болуп иштеген. 2020-жылы ошол кездеги өкмөт башчы Мухаммедкалый Абылгазиевдин кеңешчиси да болгон.
Кыргыз-орус өнүктүрүү фонду 2015-жылы иштей баштаган.
