Кинорежиссер Артыкпай Сүйүндүковдун «Шамбала» тасмасы «КМШ, Балтика жана Грузиянын мыкты тасмасы» номинациясында Ника сыйлыгына ээ болду. Бул тууралуу «Кыргызфильм» киностудиясынын PR-менеджери Назик Кадырова билдирди.
Ал белгилегендей, «Ника» улуттук кинематографиялык сыйлыгы кино жаатындагы жетишкендиктери, анын ичинде илимий жана улуттук кинонун өнүгүшүнө профессионалдык салымы үчүн берилген кесипкөй кинематографиялык сыйлык катары түзүлгөн.
Сыйлыкты «Ника» россиялык кинематографиялык искусство академиясы негиздеген.
«Шамбала» тасмасы Чыңгыз Айтматовдун «Ак кеме» романынын негизинде тартылган.
