«Кыргызавтожол» мамлекеттик ишканасы өлкөнүн ашууларындагы жолдордун абалы тууралуу маалымат таратты.
«Учурда Бишкек — Ош унаа жолунун Төө-Ашуу ашуусунда күн бүркөк, жол ачык. №9 жол тейлөө ишканасы тарабынан күзөт бар. Чычкан капчыгайында жана Ала-Бел ашуусунда кар аралашкан жамгыр жаап жатат. Ошондой эле Суусамыр — Талас — Тараз унаа жолунун Өтмөк ашуусунда күн бүркөк, азыркы учурда жол кыймылына чектөө жок, өтмөк ачык. Бишкек — Нарын — Торугарт унаа жолунун Долон ашуусунда учурда суу кар жаап жатат. Унаа жол ачык, №41 ЖТИ жеринде иш алып барууда. Ал эми, Ысык-Көл районундагы Сөөк ашуусунда шамал болуп жатат. Учурда ашуу ачык, каттам бар»,- деп билдиришти аталган кызматтан.
