1-августтан тарта «Жалал-Абад» жана «Баткен» аэропорттору оңдоо иштерине байланыштуу жабыла турганын «Манас» эл аралык аэропорту билдирет.
«Аба майдандарынын аэродромдору оңдоо иштери ноябрда бүткөрүлөт. Капиталдык оңдоо иштери аэродромдордун төшөлмөлөрүнүн колдонуу мөөнөтүн узартуу жана учуулардын коопсуздугун камсыз кылуу максатында жүргүзүлөт»,-деп айтылат маалыматта.
Кабарлангандай, «Баткен», «Жалал-Абад» аэродромдорунда капиталдык оңдоо иштери буга чейин жүргүзүлгөн эмес.
«Манас» ачык акционердик коому кардарларларынан кечирим сурайт жана түшүнүү менен мамиле кылууну өтүнөт.