Шаршенбек Абдыкеримовго таандык жалпы баасы 10 миллиард сомдон ашык бир катар ири соода-оюн-зоок борборлору жана өнөр жай объектилери мамлекеттин балансына өткөрүлдү. Бул тууралуу УКМК билдирет.
Маалыматка караганда, Абдыкеримов мамлекеттик органдарга жасалма каржылык документтерди берип, кылмыштуу кирешелерди адалдоого шектелгени айтылат.
«Аю» холдинг узак убакыт бою милдеттүү салыктардан, социалдык жана башка төлөмдөрдөн качып, мыйзамсыз табылган кирешени адалдоо үчүн мамлекеттик органдарга жасалма финансылык отчетторду тапшырып жүргөн. Компаниянын экономикалык ишин мыйзамдуу көрсөтүү үчүн мүлктүн бир бөлүгүн аффилирленген жактарга каттатып коюшкан.
Тергөөнүн жыйынтыгында Ш.Абдыкеримов жалпы наркы 10 миллиард сомдон ашкан ири соода-оюн-зоок борборлорун, өнөр жай базаларын жана коммерциялык жайларын мамлекетке өткөрүп берген.
Посмотреть эту публикацию в Instagram
