Бүгүн, 8-апрелде мелдештин үчүнчү күнү кыз-келиндер күрөшү боюнча беттештер башталып, анда 50, 55, 59, 68 жана 76 кг чейинки салмакта медалдар ойнотулат.
Кыргызстандын курама командасынын атынан төмөнкү балбандар килемге чыгат:
- Арууке Кадырбек кызы — 55 кг чейин;
- Сезим Жуманазарова — 59 кг чейин;
- Мээрим Жуманазарова — 68 кг чейин;
- Айпери Медет кызы — 76 кг чейин,
50 кг чейинки салмакта Кыргызстандын өкүлү катышпайт. Алдын ала беттештер саат 11:30да башталат.
Белгилей кетсек, ушул күндөрү Бишкек шаарында спорттук күрөш боюнча Азия чемпионаты өтүп жатат. Мелдешке Азиянын эң күчтүү балбандары катышып, грек-рим, эркин жана кыз-келиндер күрөшү боюнча күч сынашууда. Жалпысынан 350гө жакын балбан арасында 30 комплект медаль ойнотулууда.
