Кыргызстандык спортчу Мээрим Жуманазарова Казакстанда өтүп жаткан күрөш боюнча Азия чемпионатынын жарым финалына чыкты.
Азия чемпионаты 9-14-апрель күндөрү Астана шаарында өтүүдө.
Мээрим кыз-келиндер арасында күрөш боюнча 68 кг салмакта мелдештин чейрек финалынан баштап күчүн сыноодо. Ал алгач кореялык Минжи Ханы 10: 0 эсебинде ишеничтүү түрдө жеңип алды.
Аталган мелдеште Акжол Махмудов (77 кг), Жоламан Шаршенбеков (60 кг) жана Акылбек Талантбеков (82 кг) алтын, Үзүр Жузупбеков (97 кг) күмүш, Роман Ким (130 кг) Раззак Бейшекеев (67 кг) жана Адилхан Нурланбеков (72 кг) коло медаль багындырды.
