Японияда өтүп жаткан Азия оюндарынын алкагында ММА боюнча күч сынашкан кыргызстандык спортчу Дастан Каныбек уулу коло медалга ээ болду.
Дене тарбия жана спорт мамлекеттик агенттигинен билдиришкендей, ал 60 кг чейинки салмак категориясында алгачкы беттешинде жапониялык Кожиро Накашиманы 3:0 эсебинде жеңген.
Чейрек финалда ирандык Чаедифар Аминди да 3:0 эсебинде утуп, жарым финалга жолдомо алган.
Бүгүн, 21-сентябрда спортчу жарым финалда өзбекстандык Фирдавс Атамуратов менен кез келип, 2:0 эсебинде жеңилүү ызасын тартты. Жыйынтыгында Дастан Каныбек уулу Азия оюндарынын коло медалына ээ болду.
