Бүгүн, 20-августта саат 09.00дөн 00.00гө чейин Бишкектин бир бөлүгүндө ичүүчү суу берүү токтотулат. Бул тууралуу мэриядан билдирди.
Маалыматка ылайык, турак үйлөрдө, мектептерде, мектепке чейинки мекемелерде, саламаттыкты сактоо объекттеринде жана башка социалдык-турмуштук, өнөр жай багытындагы имараттарда суу болбойт.
Чектөө төмөнкү даректерге тиешелүү: Чүй проспектиси, Фрунзе көчөсү, Тыныстанов көчөсү, Чыңгыз Айтматов проспектиси, Жибек Жолу проспектисинен Ала-Арча дарыясына чейин, Турусбеков көчөсү, Баялинов көчөсү, Абдрахманов көчөсү.
Суу берүүнү токтотуу жылуулук тармактарынын суу түтүгүн жылдырууга байланыштуу.
