ЮНИСЕФ БУУнун балдар фонду Гапар Айтиев атындагы Кыргыз улуттук көркөм сүрөт музейи менен биргеликте, ЮНИСЕФтин 75-жылдыгына арналган “Кыргызстандын тарыхы сүрөттөрдө. Балдар” аталышындагы сүрөт көргөзмөсүн өткөрөт. Бул тууралуу Маданият, маалымат жана туризм министрлигинин басма сөз кызматы билдирди.
Көргөзмөгө 1946-жылдан тарта, башкача айтканда ЮНИСЕФ түзүлгөн жылдан тарта тартылган 50 архивдик сүрөт коюлат. Иш-чаранын максаты, балдардын сейрек кездешүүчү сүрөттөрү аркылуу өлкөнүн тарыхын ачып берүү.
“Сүрөт көргөзмө 17-декабрда саат 14:00дө КР Маданият, маалымат, спорт жана жаштар саясаты министрлигинин өкүлдөрү, өнөктөштөр, ММК өкүлдөрүнүн катышуусунда ачылат. Ал эми сүрөттөрдү көрүп кетүүнү каалаган мекендештер үчүн музейдин эшиги 2 жума бою ачык болот”, — деп берилет маалыматта.
