Борбордук шайлоо комиссиясы бүгүн, 16-ноябрда саат 08:00дөн баштап шайлоо алдындагы үгүт иштерине тыюу салуу күчүнө киргенин эскертет.
«Жымжырттык» күнү деп аталган бул мөөнөт добуш берүү башталганга чейин 24 саатка созулат.
«Жымжырттык» күнүнүн негизги максаты – шайлоочуларга тышкы таасирсиз өз тандоолорун бейкапар карап чыгуу мүмкүнчүлүгүн берүү болуп саналат.
Бул күнү саясий партияларга жана талапкерлерге төмөнкүлөргө тыюу салынат:
- кайсы бир талапкерди же партияны колдогон же ага каршы үгүттөө;
- шайлоо программаларын талкуулоо;
- жаңы жарнамалык материалдарды жайгаштыруу.
Эртең, 17-ноябрда, кыргызстандыктар 33 депутатты шаардык кеңешке, 231 депутатты айылдык кеңештерге шайлайт. Жалпысынан шайлоого 39 партия аттанып, 4 928 талапкер катталган.
Бүгүн болсо шайлоо участокторунан сырткары добуш берүү жүрүп жатат.
