Хорватиянын борбору Загреб шаарында өтүп жаткан спорттук күрөш боюнча дүйнө чемпионатынын бешинчи күнү кыз-келиндер күрөшү менен уланат.
Кыргызстандын атынан эки балбан кыз килемге чыгат. 68 кг салмак категориясында Мээрим Жуманазарова 1/8 финалдык беттеште күрөшүн баштайт. Ал эми, 72 кг салмакта Нурзат Нуртаева 1/8 финалда Казакстандык спортчу Жамиля Бакбергенова менен таймашат.
Эскерте кетсек, ушул эле күнү кыргызстандык Айпери Медет кызы Дүйнө чемпиондугунун алтын медалы үчүн күрөшөт. Беттештер Бишкек убактысы боюнча саат 14:30да башталат.
