Иван Поддубныйдын балбандар лигасынын (PWL – 3) кезектеги мелдешинде кыргызстандык үч балбан күчүн сынайт. Бул тууралуу күрөш федерациясынан билдиришти.
Маалыматка ылайык, мелдеш бүгүн 20-декабрда Бишкектеги Каба уулу Кожомкул атындагы спорт ордосунда саат 19:00дө башталат. Анда Кыргызстандын атынан Жоламан Шаршенбеков, Мээрим Жуманазарова жана Үзүр Жузупбеков катышат.
Жоламан Шаршенбеков россиялык күчтүү балбан Анвар Аллахьяров менен күрөшөт, Мээрим Жуманазарова Россиянын бир нече жолку чемпиону Ксения Буракова менен кармашат. Ал эми Үзүр Жузупбеков Александр Головинге (россиялык балбан) каршы килемге чыгат.
Белгилей кетсек, PWL – 3 мелдеши World Series форматында, башкача айтканда, дүйнөнүн эң мыкты балбандары килемге чыгып, бир жолудан күрөшөт.
