Бүгүн саат 19:00дө “Президент” документалдуу тасмасынын жыйынтыктоочу бөлүмү чыгат. Бул тууралуу тасманын жаратуучусу Айбек Бийбосунов билдирди.
“Достор, ошентип тасмабызды бүгүн жыйынтыктаганы турабыз. Соңку 4-серияда Кытай-Кыргызстан-Өзбекстан темир жолу, Камбар-Ата-1 ГЭСинин айланасындагы геосаясий оюндар жөнүндө сөз болот. Борбор Азиядагы ынтымак боюнча да кеп козгойбуз. Тасманын акыркы бөлүгү да адаттагыдай эле 19:00до ютуб каналыбызга жарыяланат”, — дейт ал.



