Бүгүн, 19-сентябрда Хорватияда өтүп жаткан грек-рим күрөшү боюнча дүйнө чемпионатында кыргызстандык спортчулар Улан Муратбек уулу жана Нурманбет Раймалы уулу коло үчүн күч сынашат. Бул тууралуу UWW сайтында жарыяланды.
Буга чейин алар алгачкы беттештеринде утулуп калган. Ырыскелди Максатбек уулу (77 кг) мексикалык спортчуну жеңип, бирок андан соң ирандык спортчуга жеңилип калды. 82 килограмм салмакта Бекзат Орункул уулу филиппиндик спортчуну жеңип, экинчи беттеште хорватиялыкка жеңилип калган.
Бүгүн Акыл Сулайманов (60 кг чейин), Баяман Каримов (63 кг чейин), Раззак Бейшекеев (67 кг чейин), Амантур Исмаилов (72 кг чейин), Асан Жанышов (87 кг чейин) жана Үзүр Жузупбеков (97 кг чейин) медалдар үчүн күрөштү баштайт.
Кошумчалай кетсек, кыргызстандык Нурзат Нуртаева дүйнө чемпионатында коло байгеге ээ болгон.
