Бүгүн, 4-мартта жарандарды Мекенге кайтаруу боюнча жүргүзүлүп жаткан иштердин алкагында Жидда – Бишкек жана Жидда – Ош багыттары боюнча эки репатриациялык авиакаттам аткарылат.
Жидда – Бишкек багыты боюнча каттам менен 90 жаран, ал эми Жидда – Ош багыты боюнча 120 жаран жеткирилери күтүлүүдө.
«Учурда эки учак тең жолдо келе жатат жана алдын ала маалыматтар боюнча болжол менен саат 16:00 чамасында Бишкек жана Ош шаарларына келип конот», — деп белгилешти ТИМден.
Жетишилген макулдашууларга ылайык, аталган багыттар боюнча каттамдар туруктуу негизде жумасына үч жолу аткарылат: Бишкек шаарына — шаршемби, жума жана жекшемби күндөрү; Ош шаарына — дүйшөмбү, шаршемби жана жума күндөрү.
Учурда Кыргызстандын жарандарын коопсуз кайтарууну камсыз кылуу боюнча иштер улантылууда.
Посмотреть эту публикацию в Instagram
