Кыргызстанда бүгүн, 11-августтан тарта эттин баасын туруктуу кармоо максатында мамлекеттик жөнгө салуу киргизилди. Бул тууралуу Экономика жана коммерция министрлигинен билдиришти.
Маалым болгондой жөнгө салуу үч айга белгиленди. Жөнгө салууну киргизүү эттин негизсиз кымбатташына жол бербөө жана калк үчүн баанын жеткиликтүүлүгүн камсыз кылуу максатын көздөйт.
Бааны көзөмөлдөө жана жөнгө салуу Монополияга каршы жөнгө салуу кызматы тарабынан социалдык мааниге ээ товарларга мамлекеттик бааны жөнгө салуунун бекитилген тартибине ылайык жүргүзүлөт.
