Кадамжайда аткезчилик жол менен дары-дармектерди ташыган унаа кармалды. Бул тууралуу УКМКдан билдиришти.
9-апрелде Алга айылынын “Ош-Разаков” унаа жолунда Лейлек районунун 1991-жылы туулган тургуну, КР М.А.З. аттуу жаранын башкаруусундагы “Фольксваген ЛТ” үлгүсүндөгү унаа эч кандай документтери жок контрабандалык 116 куту, 174 миң даана ампула дары-дармектер менен кармалды.
Алдын ала эсептөө боюнча, кармалган жүктүн суммасы 4 миллион 350 миң сомду түзөт. Аткезчиликке тиешеси бар адамдарды аныктоо иштери жүрүп жатат.
