Талас облусунун Бакай-Ата районуна караштуу 1-Май айылында наркы 74 миллион сомду түзгөн мектептин курулушу жүрүп жатат. Бул тууралуу Курулуш министрлигинин басма сөз кызматы билдирди.
МДолбоор республикалык бюджеттин эсебинен каржыланып, Турак жай-жарандык курулуш департаментинин көзөмөлүндө ишке ашырылууда.
Имараттын жалпы аянты 1 974 чарчы метрди түзөт. Башкы долбоор боюнча мектеп 275 окуучуга ылайыкталып, эки кабаттуу окуу корпус, өтмө галерея жана спорт залды камтыйт.
Курулуш-монтаждоо иштери заманбап үлгүдө жүргүзүлүп, “Элдияр Строй” ЖЧКсы тарабынан аткарылууда.
