Сокулукта 45,8 млн сомдук жер мамлекетке кайтарылды. Бул тууралуу Башкы прокуратурадан билдирди.
Сокулук районунун прокуратурасы тарабынан текшерүү жүргүзүлүп, жыйынтыгында 2021-жылы Семетей жаңы конушундагы калктуу конуштардын жерлерине тиешелүү 0,88 гектарды түзгөн жер тилкеси 22 жаранга мыйзам талаптарын бузуу менен жеке менчикке берилип кеткендиги аныкталган.
Райондук прокуратура тарабынан көрүлгөн чаралардын жыйынтыгында баасы 45 млн 832 миң 283 сомду түзгөн жер тилкелер мамлекеттик менчикке кайтарылды.
