Ысык-Көл облусунун Балыкчы шаарында өрттөн улам пенсионер каза болду. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка ылайык, Орозбаев көчөсүндө жайгашкан батирлердин биринен өрт чыгып, төшөнчү жана жууркан күйүп кеткен.
Кырсыктын кесепетинен 76 жаштагы эркек киши ошол жерден көз жумган. Учурда өрттүн келип чыгуу себептери такталууда.