Ысык-Көлдүн Балыкчы шаарында өспүрүм кызды сүзүп кетти деген аймактык тескөөчү жана анын шаардык милициясынын башчысы болуп иштеген агасы кызматтан алынды. Бул тууралуу 7-каналга ИИМдин басма сөз кызматынан билдирди.
Маалыматка караганда, жол кырсыгы кечээ, 26-январда болгон. Анда Geely Monjaro үлгүсүндөгү автоунаа 11 жаштагы кызды сүзүп кеткен, учурда кыз оорукананын жандандыруу бөлүмүндө.
Транспорт Балыкчы ШИИБге таандык экени такталган.
«Жол кырсыгы боюнча ИИМ кызматтык иликтөө жүргүзүп, жыйынтыгында рулда болгом деген аймактык тескөөчү менен шаардык милициянын башчысы болуп иштеген агасы иштен алынышты. Министрликтин жетекчилиги чуулгандуу ишти көзөмөлгө алды»,-дешти.
