Кыргызстандын парадзюдо боюнча улуттук курама командасынын мүчөсү Хайитхон Хусан кызы Ханчжоу шаарында (Кытай Эл Республикасы) өтүп жаткан Пара Азия оюндарында алтын утту.
Спортчу 48 кг чейинки салмакта катышып жатат. Алгач ½ финалдык беттеште индонезиялык балбанды жеңди. Ал эми, финалдык беттеште япониялык спортчуну 1 мүнөт 26 секундда утуп, алтын медаль тагынды.
Бул медаль Кыргызстан үчүн Кытайдагы оюндарда биринчи, ошондой эле Азиянын паралимпиада оюндарында өлкөнүн тарыхындагы биринчи медаль болду.
